今日 (8月14日)
心情好好 (同上面幅圖好大對比吧!)
天氣都唔錯 (我鍾意陰天同細雨既時候)
所以出去拍左一d 相慶祝一下... ... (農曆七月?!)
有一度地方我一直想去影相, 但係要配合 天時 (陰天), 地利 (要去銅鑼灣區), 人和 (當然要睇我既心情啦!)
今日去左邊度?? 暫且賣個關子, 先睇睇以下既藝術品... ...
覺唔覺得呢d雕塑好靚呢, 唔知道香港原來有地方收藏左呢d藝術品吧?
依家係時候開估喇... ...
冇錯, 我就係去左 香港馬場對面既 跑馬地天主教墳場.
唔好睇見係墳場就抗拒啦! 請以藝術既角度去睇, 歐洲, 以及最近我地既澳門, 都有以墳場作為旅遊推廣. 因為好多墳場經歷了數百年歷史, 墓碑上既裝飾反映左唔同年代風格雕刻, 也可以研究當時既民俗文化.
全名為 跑馬地天主教聖彌額爾墳場, 係香港歷史最悠久既天主教墳場, 裡面有2萬多個墳墓. 墳場既地皮係1842年由香港政府租俾天主教香港教區作墳場之用, 以每年1蚊港元租用999年.
墳場以門外既對聯而著名:「今夕吾軀歸故土，他朝君體也相同」. 個對聯係 1910年代末期由一個神父所提, 意思係人無法逃離死亡既現實, 告誡生者要珍惜生命, 放下對短促生命既執著.
墳場中心有一座寫著 PAX 既建築物.
我好鍾意呢個雕塑.
喺墳場入面, 其實我影左好多舊化既石紋, 滲水牆壁既素材等等, 以配合我既設計風格之用.
請繼續欣賞
今日 (8月14日)
心情超好 (同上面一樣正享受墳場裡面既寧靜)
天氣唔錯 (空氣特別清新)
所以影左一d 相慶祝一下... ... 其實... ...今日係我既 生日
我覺得生日同死忌既日子係一樣既話, 係一件幾浪漫既事... 結果許左呢個願...
